काठमाडौँ, काठमाडौँको सुकेधारा स्थित ढलाने पुल नजिकै आज ग्याँस सिलिन्डर विस्फोट हुँदा ६ जना घाइते भएका महानगरीय प्रहरी परिसर काठमाडौँका प्रवक्ता होविन्द्र बोगटीले बताएका छन् ।
प्रहरीका अनुसार विस्फोट बुढानिलकण्ठ नगरपालिका ४ स्थित एक सैलुनमा भएको हो । दुर्घटनामा परि घाइते भएका ६ मध्ये ५ को ओम अस्पतालमा उपचार भैरहेको छ भने १ को टिचिङ अस्पतालमा उपचार भइरहेको छ ।
महानगरीय प्रहरी वृत्त महाराजगञ्जका प्रकाश थापाका अनुसार प्रहरी टोली घटनास्थल पुगिसकेका छैनन् । साथै अनामनगरमा पनि ग्याँस विस्फोटको कह्बर आएको प्रहरीले जनाएका छन् ।
