काठमाडौँ, राष्ट्रपतिले ‘ मेरो सरकार ‘ शब्दका प्रयोग गरेकोमा जताततैबाट विरोध आइरहेको बेलामा यसबारे स्पष्टिकरण दिँदै प्रधानमन्त्री के.पी शर्मा ओलीले ‘मेरो सरकार’ जानेर बुझेर नै राखिएको बताएका छन् ।
मङ्गलबार संघीय संसदमा जवाफ दिदै प्रधानमन्त्रीले मेरो सरकार शव्दप्रति आएका टिप्पणीको जवाफ दिँदै प्रधानमन्त्री ओलीले अन्तर्राष्ट्रिय मूल्य र मान्यताअनुसार नै मेरो सरकार भनेर राखिएको बताएका छन् ।
यस बारे प्रष्ट पार्दै उनले भने, ‘ जनताका प्रतिनिधिले राष्ट्रप्रमुखको हैसियतमा मेरो सरकार भन्नु बाञ्छनीय हुन्छ । राष्ट्रपतिले ढुक्कले भन्ने हो मेरो देश, मेरो सरकार, मेरो धर्ती । राष्ट्रपतिले आफू मातहतको सरकारलाई मेरो सरकार भन्दा अल्मलिनु पर्दैन । ‘
