एजेन्सी, मुम्बईमा एक ५५ वर्षीय डाक्टरलाई २१ वर्षीय मोडललाई बलात्कार गरेको आरोपमा प्रहरीले पक्राउ गरेको छ । मोडलको एक सिरियलमा काम गर्नेबेलामा उक्त डाक्टरसँग उनको चिनजान भएको प्रहरीले बताएको छ ।
पीडित मोडललाई उनका एक साथीले डाक्टरबारे जानकारी दिएका मिडिया रिपोर्टले जनाएको छ । साथीको जानकारी पश्चात मोडल आरोपी डाक्टरलाई उपचारको सिलसिलामा भेट्न गइन्त्य र त्यसपछि उनीहरुबीच दोस्ती भएको थियो ।
डाक्टरले वर्सोवामा मोडललाई एउटा घर पनि दिएका प्रहरीले बताएको छ । अनुसन्धानको क्रममा डाक्टरले मोडलको अकाउन्टमा केही पैसा पनि पठाएको पत्ता लागेको छ ।
पिडितले डाक्टरले उनका केही आपत्तिजनक तस्बिर खिचेका र ही फोटोको आडमा आफूलाई ब्ल्याकमेल गर्ने गरेको आरोप लगाएकी छिन् । प्रहरीका अनुसार बलात्कारपछि डाक्टरले पीडितलाई यसबारे कसैलाई पनि नभन्न दबाब दिएका थिए । यसबारे कसैलाई जानकारी दिए तस्बिर भाइरल गरिदिने धम्की डाक्टरले दिने गरेको पिडितले बताएकी छिन् ।
गत हप्ता उजुरी दिइए यस बारे अनुसन्धान थालिएको प्रहरीले जनाएको छ ।
