काठमाडौँ, सोमबार पूर्वपश्चिम राजमार्गअन्तर्गत कालीझोडामा जीपको ठक्करबाट एक साइकल यात्रीको मृत्यु भएको छ । मृत्यु हुनेमा ताप्लेजुङ सिकैँचा–८ बस्ने ३१ वर्षीय दिपेश पौडेल रहेका छन् ।
बाटो काट्दै गर्दा पश्चिमबाट पूर्वतर्फ जाँदै गरेको मे १ ज २०५९ नम्बरको जीपले पौडेललाई ठक्कर दिएको हो । उक्त दुर्घटनामा उनि गम्भीर घाइते भएका थिए ।
जिल्ला ट्राफिक प्रहरी कार्यालय झापाका प्रहरी निरीक्षक होम अधिकारीका अनुसार उपचारको क्रममा बिर्तामोडको बी एण्ड सी हस्पिटलमा उनको मृत्यु भएको हो ।
जिप चालक र जिपलाई प्रहरीले नियन्त्रणमा लिएका छन् ।
