काठमाडौँ, आज बिहान करिब ७:३० बजे चितवनमा बा ३ ख ७९९३ नंको यात्रुबाहक बस, ना ४ च ३२९० नंको डेलिभरी भ्यान र बा ९० प ८१३२ नंको मोटरसाइकल एक आपसमा ठोकिँदा एकको मृत्यु भएको छ ।
जिल्ला ट्राफिक प्रहरी कार्यालय चितवनका प्रमुख चन्द्रकुमार गिरीका अनुसार पृथ्वी राजमार्गअन्तर्गत इच्छाकामना गाउँपालिका–४ कुरिनटारस्थित सर्वशान्ति मावि परीक्षा केन्द्रमा एसइई परीक्षा दिने विद्यार्थी बोकेर मुग्लिनबाट आउँदै गरेको बसमा सोहि दिशाबाट आएको डेलिभरी भ्यान र मोटरसाइकल ठोकिँदा धादिङ ज्यामरुङका ३५ वर्षीय राजन धमलाको मृत्यु भएको हो ।
उपचारको क्रममा धमलाको मृत्यु भारको प्रमुख गिरीले बताएका छन् । उक्त दुर्घटनामा परि भ्यान चालक सामान्य घाइते भएका र घटना बारे थप अनुसन्धान भैरहेको प्रहरीले जनाएका छन् ।
