काठमाडौँ, कपिलवस्तुमा मोटरसाइकल दुर्घटना हुँदा एक जनाको ज्यान गएको छ । कपिलबस्तुको तौलिहवा मर्यादपुर सडकखण्डको डङ्गरीमा लु ३ प ५००१ नं को मोटरसाइकल रोकिराखेको लु१ ख ९५५२ नंको ट्रकमा ठोक्किँदा दुर्घटना भएको हो ।
प्रहरी नायब उपरीक्षक देवेन्द्र पाण्डेका अनुसार उक्त दुर्घटनामा मोटरसाइकल चालक कपिलवस्तु नगरपालिका–१ का २८ वर्षीय विजेन्द्र धोवीको मृत्यु भएको हो ।
ट्रकचालक एकबहादुर अधिकारी क्षेत्री र ट्रक जिल्ला प्रहरी कार्यालयको नियन्त्रणमा राखिएको छ ।
