काठमाडौँ, केही समय अघि मात्र पोखराको उत्तम चोकमा गोली चलेको छ । गोली चले लगत्तै घटनास्थलमा पुगी अनुसन्धान थालिएको जिल्ला प्रहरी कार्यालय कास्कीले जनाएको छ ।
उक्त गोली बुधबार बिहान साढे ११ बजेतिर प्रहरीले लागूऔषध कारोबारीलाई पक्राउ गर्ने क्रममा गोली चलाएको बुझिएको छ । श्रोतका अनुसार खुट्टामा गोली लागेका कारोबारीलाई उपचारको लागी पश्चिमाञ्चल क्षेत्रीय अस्पताल पुर्याइएको छ ।
उत्तम चोकको रेस्टुरेन्टमा बसिरहेका उक्त कारोबारीले प्रहार गर्दा १ प्रहरी घाइते समेत भएका छन् । घाइते प्रहरीको पार्कल्यान्ड अस्पताल अमरसिंह चोकमा उपचार भइरहेको छ ।
उक्त कारोबारी र घाइते प्रहरी दुवैको नाम भने अझै खुलाइएको छैन । कारोबारी रेस्टुरेन्टमा बसिरहेको खबर पाए लगत्तै त्यहाँ पुगेका प्रहरी माथी चिपर्ट दाउरा प्रहार गरि भाग्न खोज्दा उनि माथी गोली चलाइएको हो ।
घटना बारे थप विवरण आउन बाँकी छ ।
