काठमाडौँ, मंगलबार चितवनमा टिप्परको ठक्करले मोटरसाइकलमा सवार एकको ज्यान गएको छ । चितवनको चौविसकोठीबाट विशालचोकतर्फ जाँदै गरेको ना ७ ख २२६९ नम्बरको ट्रिपरले विपरित दिशाबाट आउँदै गरेको ना १८ प १००१ नम्बरको मोटरसाइकललाई ठक्कर दिँदा उक्त दुर्घटना घटेको हो ।
दुर्घटनामा परि भरतपुर महानगरपालिका–५ का ५२ वर्षीय धर्मराज अधिकारीको मृत्यु भएको छ । श्रीमान श्रीमती सवार उक्त मोटरसाइकल दुर्घटनामा ४५ वर्षीय श्रीमती कमला अधिकारी घाइते भएकी छिन् ।
दुर्घटनामा गम्भीर घाइते रहेका धनराजको उपचारको क्रममा पुरानो मेडिकल कलेजमा बुधबार बिहान मृत्यु भएको हो । घाइते कमलाको सोही अस्पतालमा उपचार भैरहेको छ ।
ठक्कर दिने ट्रिपरसहित चालकलाई प्रहरीले नियन्त्रणमा लिई थप अनुसन्धान गरि कारबाहीको प्रक्रिया अगाडी बढाएको छ ।
