काठमाण्डौ – काठमाण्डौ महानगरपालिकामा स्वतन्त्र उम्मेदवार बालेन साहले १३ हजार तीन सय दुई मतकाे अग्रता बनाउनुभएको छ ।
अहिलेसम्म ७४ हजार एक सय ९३ मतगणना हुँदा साहले २८ हजार दुई सय ९२ मत ल्याउनुभएको छ । एमालेका उम्मेदवार केशव स्थापितले १४ हजार नाै सय ९० मत प्राप्त गर्नुभएको छ । कांग्रेसकी सिर्जना सिंहले १४ हजार ६ सय ५७ मत ल्याउनुभएको छ।
उपमेयरमा भने एमालेकी सुनिता डङ्गोलको अग्रता कायमै छ । उहाँलाई नेकपा एकीकृत समाजवादीका रामेश्वर श्रेष्ठले पछ्याइरहनुभएकाे छ ।
