काठमाडौँ, रौतहटमा शुक्रबार बिहान अज्ञात समूहले सडक निर्माणमा प्रयोग भएको स्काभेटरमा आगजनी गरेको छ । रौतहटको गुजरा नगरपालिका ६ खत्वैया टोलमा भएको आगजनीबाट उक्त स्काभेटर पूर्ण रुपमा जलेको छ ।
स्थानीय र निर्माण कम्पनी सगुन कन्स्ट्रक्सन बीच बिहीबार सडक निर्माण गर्ने विषयमा विवाद भएको थियो । तर घटना कसले र किन गरायो भन्ने बारे केहि थाहा नभएको प्रहरीले जनाएको छ ।
रौतहटका प्रहरी प्रवक्ता डीएसपी नवीन कार्कीका अनुसार विवाद भएकै राति निर्माण कम्पनीको स्काभेटरमा आगो लगाइएको हो । स्काभेटर निर्माणस्थलबाट केही पर नजिकको खेतमा राखिएको थियो ।
स्थानियले बिहान आगजनी भएको देखे पश्चात प्रहरीलाई खबर गरेको थियो । प्रहरी र स्थानियको सहयोगमा आगो निभाइएको हो । ।
