काठमाडौँ, बुधबार संसदको राज्य व्यवस्था समितिमा संघीय निजामती विधेयकमाथिको छलफलमा विगत स्मरण गर्दै सामान्य प्रशासन मन्त्री लालबाबु पण्डितले एक कर्मचारीको सरुवाको लागी आफु कहाँ निकै सांसद धाउने गरेको बताएका छन् ।
उनले केहि समय अघि एक जना नायब सुब्बा सरुवाका लागि ३२ जनासम्म सांसद आफूकहाँ धाएको बताए ।
विगतको अनुभव बताउँदै उनले भने, ‘ अहिलेको त म भन्दिन अघिल्लो पटक मन्त्री हुँदा एउटा नायब सुब्बालाई सरुवा गर्न ३२ जना माननीयसम्म आउनुभएको थियो । ‘
सोर्स फोर्स लगाएर कर्मचारी सरुवा गर्ने पद्धति हटाउन विधेकयमा नै व्यवस्था गर्नुपर्ने बताउँदै उनले भने, ‘ सबैले सोर्स फोर्स लगाउयने सत्तापक्षले पनि लगायने प्रतिपक्षीले पनि लगाउने पूर्व मननीयले पनि लगाउयने यही हाम्रो कमजोरी छ, यसलाई सुधार गर्नुपर्छ । ‘
