साढे ३३ किलो सुन काण्डमा फैसला : २८ जनालाई थुनामा राख्न सर्वोच्च अदालतको आदेश !

कालिका खड्का/सर्वोच्च अदालतले साढे ३३ किलो सुन तस्करी र सनम शाक्य हत्या प्रकरणमा व्यापारी महावीर गोल्यान बाहेकका अन्य सबैलाई उच्च अदालत विराटनगरले गरेको फैसलालाई सदर गरेको छ ।

न्यायाधीशद्वय अनिलकुमार सिन्हा र सुष्मालता माथेमाको इजलासले आज सो फैसला गरेको हो । व्यापारी गोल्यानलाई रु १० लाख धरौटीमा रिहा गर्न आदेश गरेको छ भने अन्य सबैलाई धरौटीमा छोड्न अस्वीकार गरेको छ ।

जिल्ला अदालत मोरङ, उच्च अदालत विराटनगर हुँदै सर्वोच्च अदालतमा आएपछि सो फैसला भएको हो । सुन काण्डका आरोपीलाई जिल्ला अदालत मोरङले धरौटीमा छोड्न अस्वीकार गरेपछि उच्च अदालत विराटनगरले पनि धरौटीमा छोड्न अस्वीकार गरेको थियो ।

सुन काण्डका आरोपीहरु सञ्जयबहादुर राउत, तुलाराम थारु, रामकुमार तिवारी, गोविन्दप्रसाद निरौला, राजन थापा, गोपालकुमार श्रेष्ठ, हेमन्त गौतम, सम्विरप्रसाद तोलाङ्गे, मदन सिलवाल, अमरमान डङ्गोल र बालकृष्ण श्रेष्ठसहित २८ जनालाई थुनामा राख्ने जिल्ला र उच्च अदालतको निर्णयलाई सर्वोच्च अदालतले सदर गरेको छ ।

महाकालीमा बनाइएको झोलुङ्गे पुल सञ्चालनमा

निर्माण सम्पन्न भएको आठ महिनापछि महाकाली नदीमाथि बनेको लाली र भारत पिथौरागढको डड्या जोड्ने पुलको औपचारिक रुपमा उद्घाटन गरिएको छ । नेपाल सरकारले तुइन तथा ट्युब विस्थापन कार्यक्रमअन्तर्गत निर्माण भएको झोलुङ्गे पुलको औपचारिक रुपमा आज उद्घाटन गरिएको हो ।

लेकम गाउँपालिका–३ लालीस्थित निर्माण भएको झोलुङ्गे पुलको नेपाल र भारतका अधिकारीहरुले संयुक्त रुपमा उद्घाटन गरेका हुन् । नेपालका तर्फबाट जिल्ला समन्वय समिति प्रमुख करवीरबहादुर कार्की, प्रमुख जिल्ला अधिकारी शङ्करबहादुर विष्ट, लेकम गाउँपालिकाका अध्यक्ष प्रमानन्द जोशी, भारत पिथौरागढका विधायक विशनसिह चुफाल, जिल्ला अधिकारी विजयकुमार जोगदण्डेलगायत दुवै देशका सुरक्षा अधिकारीको सहभागिता थियो ।

Leaderboard Banner

भारतको उत्तराखण्ड सरकारले पिथौरागढ जिल्लाका मजिस्ट्रेट कार्यालयले गत सोमबार पत्र लेखेर लाली पुल सञ्चालनका लागि अनुमति दिएको थियो । भारतको उत्तराखण्ड सरकारका उपसचिव रणजित सिंहले पिथौरागढका मजिस्टे«टलाई चिठी लेखेर भारतको गृहमन्त्रालय र उत्तराखण्डको गृह मन्त्रालयले पुल सञ्चालन गर्न कुनै आपत्ति नभएको जानकारी गराउँदै पुल सञ्चालन गर्न अनुमति दिएपछि औपचारिक रुपमा पुलको उद्घाटन गरिएको बताइएको छ ।

पहिलो पटक प्रधानमन्त्री हुँदा केपी शर्मा ओलीले देशभरका तुइन विस्थापन गर्ने घोषणा गर्नुभएको थियो । सोही कार्यक्रमअन्तर्गत लालीमा ट्युब विस्थापन गर्दै झोलुङ्गे पुल निर्माण गरिएको हो । नेपाल सरकारको रु एक करोड ३२ लाख लगानीमा उक्त पुल गत पुस २ गते निर्माण सम्पन्न भएको थियो ।

“पुल सञ्चालन भएपछि जोखिमपूर्ण ट्युबको यात्रा अन्त्य भएको छ”, पुलको उद्घाटन गर्दै जिल्ला समन्वय समिति प्रमुख कार्कीले भन्नुभयो, “अब महाकाली बढ्दा कष्टकर ट्युबको यात्रा सधैँलाई अन्त्य भएको छ ।” नेपाल र भारतका स्थानीयको दैनिक आवतजावतको रुपमा रहेको ट्युब यात्रा अन्त्यको घोषणाले स्थानीयमा आठ महिनापछि खुशी छाएको छ ।

पुल उद्घाटनका लागि पुगेका अधिकारीहरुलाई गाउँपालिका र स्थानीयले भव्य स्वागत गरेका थिए । पुल सञ्चालनमा आएपछि लाली क्षेत्रका नागरिक मात्रै नभएर लेकम गाउँपालिका–१ का सर्मोली र बिनखाली, वडा नम्बर २ का कुणी र गाणागाउँ, ३ का लाली, मकन्ना, ऐरपाली, गुमाखोली र किम्तड, वडा नं ४ का बुडाकोट, खरकडा, पाथी र टकना, वडा नम्बर ५ का रिठाचौपाता, मैखोली, सिरोडा तथा वडा नं ६ का तेनीगाउँ, उचाकोट, मालिकार्जुन गाउँपालिका वडा नम्बर ७ बाँकु, वडा नम्बर ६ डाडाकोट र वडा नम्बर ४ हुनैनाथका नागरिक ट्युबको जोखिमबाट मुक्त भएका छन् ।

यस्तै भारतको पिथौगढका जिल्ला अधिकारी जोगदण्डेले पुल सञ्चालनपछि सीमा क्षेत्रका दुवै देशका नागरिकलाई सहज भएको बताउनुभयो । लेकम गाउँपालिकाका अध्यक्ष प्रमानन्द जोशीले सिङ्गो लेकमका स्थानीयका लागि पुल सञ्चालनले खुशी बढेको बताउनुभयो । “पुल बन्छ भनेर हल्ला मात्रै सुनेका थियौँ”, लालीका स्थानीय शेरसिंह विष्टले भन्नुभयो, “अब जोखिम यात्रा टुङ्गिएको छ, पुल बने पनि यस क्षेत्रमा भन्सार कार्यालयसमेत आवश्यक छ ।”

Leaderboard Banner

फेसबुकबाट तपाईको प्रतिक्रिया