काठमाडौँ /प्रधानमन्त्री केपी शर्मा ओलीले हिजो (बिहीबार) रातिदेखि परेकाे अविरल वर्षाका कारण उत्पन्न परिस्थितिको सामना गर्न सरकारले हरप्रयास गरेको बताएका छन् । प्रधानमन्त्री ओलीले सामाजिक सञ्जाल ट्वीटरमार्फत उद्धारका लागि सरकारले पहल गरिरहेको जानकारी दिएका हुन् ।
सरकारले उद्धारका लागि सुरक्षकर्मी परिचालन गरिएको र पूर्वसूचना प्रणालीलाई प्रभावकारी बनाउन सम्बन्धित मन्त्रालय सक्रिय रहेको बताएका छन् ।
‘बाढीसँगै उद्धारका लागि तदारुकताका साथ सुरक्षाकर्मी परिचालन गरिएको छ र पूर्वसूचना प्रणालीलाई अझ प्रभावकारी बनाउन सम्बन्धित मन्त्रालय सक्रिय छन् । सर्लाहीस्थित भारतसँगको सीमा क्षेत्रमा दुई देशबीच समन्वय गरी बहाव खुलाउने काम भइरहेको छ,’ प्रधानमन्त्रीको ट्वीटमा लेखेका छन् ।
बाढीसँगै उद्दारका लागि तदारुकतासाथ सुरक्षाकर्मी परिचालन गरिएको छ र पूर्व सूचना प्रणालीलाई अझ प्रभावकारी बनाउन सम्बन्धित मन्त्रालय सक्रिय छन् । सर्लाहीस्थित भारतसँगको सीमा क्षेत्रमा दुईदेशबीच समन्वय गरी बहाव खुलाउने काम भइरहेको छ ।
— KP Sharma Oli (@PM_Nepal) July 12, 2019
हिजोदेखिको अविरल वर्षाका कारण आएको बाढीमा परी ६ जनाको ज्यान गुमेको छ भने ७ जना बेपत्ता हुनु भएको छ । बाढीले ४०० घरमा क्षति पुर्याएको छ । प्रकोपप्रति दुःख व्यक्त गर्दै ज्यान गुमाउनेका परिवारप्रति गहिरो समवेदना व्यक्त गर्दछु ।
— KP Sharma Oli (@PM_Nepal) July 12, 2019
