काठमाडौँ, सिर्जना राउत, आम महिला, अनेकौँ रहरहरु र खुसीहरू सँगालेर उनले विवाह गरेकी थिइन् । पोखरा ७ मासबार निवासी उनले यति चाँडै आफ्ना सबै खुसिहरु खोसियिन्छन् भनेर कल्पना समेत गरेके थिइनन् होला ।
रङ्गीन सपना बोकेकी उनको जिवनमा सोमबार दिउँसोको एक पलले जताततै अन्धकार ल्याइदियो । विवाहको ५ दिनमा म्याग्दे १ गुणादीमा भएको मोटरसाइकल दुर्घटनामा उनका पति कास्की पोखरा महानगरपालिका ३३ पुम्दी निवासी ३१ वर्षका सन्दीप कुँवरको मृत्यु भयो र उनि घाइते भइन् ।
घाइते उनको घुँडा भाचिएको अवस्थामा मणिपाल अस्पतालमा उपचार भइरहेको छ । पोखराका स्थानीय सञ्चार उद्यमी उमनाथ बरालको प्रेसमा काम गर्ने सिर्जना पढ्नका लागि पोखरा आएकी थिइन् ।
उनै प्रेस धनि बरालले उनको लागी जोडी खोजिदिएका थिए । उनका पति सन्दिप सिर्जनालाई सानिमाको घर दमौली घुमाएर पोखरा छाडेर आफू काठमाडौं काममा जाने तयारीमा थिए ।
बरालले भने, ‘ परीक्षाका कारण श्रीमतीलाई पोखरा छाडेर उनी काठमाडौं जाँदै थिए । तर नसोचेको घटना भइदियो । ‘ सन्दीप सवार मोटरसाइकल बसमा ठोकिनुमा सडकको खाल्डाखुल्डी कारक रहेको ट्राफिक प्रहरीको ठम्याई छ।
ट्राफिक प्रमुख पूर्णबहादुर अधिकारीले भने, ‘ सडकमा खाल्डाखुल्डी हुँदा मोटरसाइकल नियन्त्रणमा आउन सकेन र जोगिन खोज्दा बससँग ठोकिएको देखिन्छ । ‘
।
