काठमाडौँ, होली खेल्दै हिँडेकी एक बालिकाको बलात्कार गरी हत्या गरिएको छ । भारतको तेलङ्गाना राज्यमा बिहिबार होली खेल्न भनेर घरबाट निस्किएकी ६ बर्षीय बालिकालाई बलात्कार गरी काटेर हत्या गरिएको छ ।
होली खेल्न भनेर हिँडेकी बालिका अबेरसम्म घर नफर्किएपछि परिवारले दिएको उजूरीको आधारमा खोजी गर्ने क्रममा उनको शव फेला परेको भारतीय संचार माध्यमले जनाएको छ ।
झाडीमा काटिएको अवस्थामा शव फेला परे पछि अनुसन्धान गर्दै जाँदा बलात्कार पछि हत्या गरिएको खुलेको हो । प्रहरीले मदिरा पीइ बलात्कार गरी हत्या गरेको आशंकामा एक किशोरलाई नियन्त्रणमा लिएर अनुसन्धान अघि बढाएको छ ।
