काठमाडौँ, आज आईतबार बिहान मोरङमा हाइसले ठक्कर दिँदा एक बालकको मृत्यु भएको छ । मोरङको पूर्व-पश्चिम राजमार्ग सुन्दरहरैंचामा भएको यस दुर्घटनामा धरानका १३ बर्षीय सबिन मग्रातीको घटनास्थलमै मृत्यु भएको हो ।
पूर्वबाट पश्चिम जाँदै गरेको बा५ख ३५४ नम्बरको हायस माइक्रोबस अनियन्त्रित भएर सडक किनारको पिपलको रुखमा ठोक्किँदा सबिनको मृत्यु भएको प्रहरीले बताएका छन् ।
दुर्घटनामा परि माइक्रोबसका सहचालक मोरङ, उर्लाबारी नगरपालिका बस्ने २२ वर्षीय सचिन परियार गम्भीर घाइते भएका छन् । उनको विराट नर्सिङहोम विराटनगरमा उपचार भइरहेको इलाका प्रहरी कार्यालय बेलवारीका प्रहरी निरीक्षक रामकुमार राईले जानकारी दिएका छन् । सामान्य घाइते भएका चालक पथरी शनिश्चरे नगरपालिका–९ बस्ने २९ वर्षीय रमेश बस्नेतको बेलवारीस्थित नोबेल सामुदायिक अस्पतालमा उपचार भइरहेको छ ।
घटना बारे थप अनुसन्धान भैरहेको प्रहरीले बताएका छन् ।
