काठमाडौँ, साउदी राजाद्वारा जेलमा रहेका ५१ नेपालीहरुलाई कैद,जरिवाना मिनाह गरि क्षमादान दिइएको छ । विभिन्न कुसुरमा जेल परेका नेपालीहरु नेपाल फर्कन सफल भएका छन् ।
अरबका राजा द्वारा क्षमादान प्रदान गरि नेपाल फर्किएका ५१ जनाको साथमा एक बर्ष देखि रक्सि खाएको केशमा जेलमा रहेका २८ जना नेपालीहरु नेपाल फर्कन सफल भएका बुझिएको छ ।
खबर अनुसार ब्लडमनि र जरिवाना तिर्न नसकी जेल मा रहेका ५ जना नेपालीको पनि नेपाली समुदायको सहयोगमा जोहो भएको बक्यौता रकम पश्चात स्वदेश फर्केको बुझिएको छ ।
साउदी अरबका लागि नेपाली राजदुत प्रा.डा महेन्द्र सिंह राजपुतले आफ्नो व्यक्तिगत सामाजिक संजाल, फेसबुक अकाउन्टमा गरेका पोस्टको अनुसार बिगत केहि महिनाको अबधिमा ८४ जना नेपालीहरु नेपाल फर्किएका छन् ।
महामहिम राजदुतले सहयोग दिने स्वदेश र विदेशमा रहेका नेपाली समुदाय प्रति धन्यवाद दिँदै क्षमादानको लागि साउदी नरेशमा हार्दिक कृतज्ञता समेत जनाएका छन् ।
