काठमाडौँ, नेपाल आफैँमा भरिपुर्ण देश हो । प्राकृतिक सम्पदाको कुरा गर्ने हो भने त विश्वमै कसैले उछिन्न नसक्ने देश हो नेपाल । यो कुरा बेलायतको ट्राभल गाइड बुकले पुस्टि गरेको छ ।
बेलायतको ट्राभल गाइड बुकले पर्यटकीय गन्तव्यका लागि विश्वका १० सुन्दर देशहरुको सुची प्रकाशित गरेको थियो । ति मध्ये नेपाल पहिलो स्थानमा पर्न सफल भएको छ । सन् २०१६ मा भ्रमणका लागि बेलायतको रफ गाइडले प्रकाशित गरेको विश्वका १० उत्कृष्ट देशको सूचीमा नेपाल परेको हो ।
गाइडको अनुसार नेपाल भ्रमण गर्न सुन्दर र योग्य देश तोकिएको छ । गाइडले नेपालको ट्रेकिङ रुट, होम स्टे जस्ता विभिन्न सांस्कृतिक क्षेत्रलाई पर्यटकीय आकर्षणको मुख्य केन्द्र मानेको छ । स्थल मात्र नभएर नेपालीमा भएको आत्मियता, व्यवहार र संस्कार पनि निअकि सुन्दर र सबल पाटो रहेको दाबि गरेको छ ।
विभिन्न हिम श्रृँखला, जंगली जनावर तथा विविधताले भरिपूर्ण नेपाली जंगलहरुलाई पर्यटनका लागि उत्कृष्ट रहेको बताईएको छ । यसले नेपाली पर्यटन विकाशमा पनि ठुलै मद्दत पुग्ने आशा गरिएको छ ।
