काठमाडौँ, सरकारले नेत्रविक्रम चन्द (विप्लव) नेतृत्वको नेपाल कम्युनिस्ट पार्टी (नेकपा) समूह माथि लगाएको प्रतिबन्ध बारे त हामी अवगत नै छौँ । प्रतिबन्धको साथ साथै सरकारले विप्लब माथि निकै कडिकडाउ पनि गरेको छ । विप्लबका कार्यकर्ता धमाधम पक्राउ परिरहेका छन् ।
यस्तैमा विप्लब कोशी व्युरो इञ्चार्ज घनश्याम श्रेष्ठ (पुस्कर) सहित २ जना पक्राउ परेका छन् । मोरङबाट श्रेष्ठ संगै आकाश शर्मा पनि पक्राउ परेका छन् । उक्त पक्राउका बारेमा प्रहरीले पुष्टि भने गरेको छैन र यस बारे थप विवरण पनि आउन बाँकी छ ।
यस अघि पनि प्रहरीले विप्लबका मध्यकमाण्ड इञ्चार्ज हेमन्तप्रकाश ओलीसहित ९ जनालाई पक्राउ गरेको थियो ।
