काठमाडौँ, ललितपुरको बागमती गाउँपालिका वडा नम्बर–३ तीनपानेमा जिप दुर्घटना हुँदा सोमबार ३ जनाको मृत्यु भएको छ । तीनपानेबाट भट्टेडाँडाका लागि छुटेको बा ५ च ५६९६ नम्बरको जिप सोमबार करिब ८ बजे दुर्घटना भएको हो ।
उक्त दुर्घटनामा महोत्तरी बर्दिबासका १९ वर्षका विशाल थापामगर, ललितपुर तीनपानेकी १६ वर्षकी सुनिता लोप्चन र सरिता मोक्तानको मृत्यु भएको छ ।
विशालको घटनास्थलमै मृत्यु भएको र सुनिता र सरिताको उपचारका क्रममा आनन्द वन अस्पताल ललितपुरमा मृत्यु भएको ललितपुर प्रहरीले जनाएको छ ।
दुर्घटनामा परि अन्य ३ घाइते भएका छन् ।
