काठमाडौँ, मंगलबार सडक निर्माणको काम गरि रहँदा स्काभेटर दुर्घटना भएको छ । निर्माण कार्य भैरहँदा रुख ढलेर लाग्दा स्काभेटर कर्णाली नदीमा खसेको हो ।
कर्णाली करिडोरको याङचु बगरस्थित घुमाउनेमा सडक निर्माण कार्य भैरहँदा माथिबाट रुख ढलेर उक्त दुर्घटना भएको हो ।
उक्त दुर्घटनामा परि स्काभेटर चालक बिष्णु बुढा घाइते भएका छन् । चालकको टाउकोमा सामान्य चोट लागेको जिल्ला प्रहरी कार्यालयका डिएसपी राम बहादुर घर्ति मगरले बताएका छन् ।
