काठमाडौँ, बिहिबार राति तनहुँको भिमादबाट पुरानो रिसिङ जाँदै गरेको ग १ ख ७५३४ नम्बरको यात्रुबाहक बस दुर्घटना भएको छ । उक्त दुर्घटनामा १ को मृत्यु भएको छ भने ३ जना घाइते भएका छन् ।
भिमाद–रिसिङ कच्ची सडकखण्ड अन्तर्गत रिसिङ गाउँपालिका–६ मैदानस्वाँरामा भएको उक्त दुर्घटनामा परि मृत्यु भएका सोहि गाउँपालिका-६ निवासी ५३ वर्षीय नेत्रबहादुर मसराङ्ग मगर थिए । त्यसैगरी घाइते हुनेहरुमा वडा नम्बर ६ का ५५ वर्षीय पदमबहादुर आले, ४५ वर्षीय होमबहादुर राना र १५ वर्षीया लिला थापा थिए ।
घटनामा परि गम्भीर घाइते भएका मगरको उपचारको लागी अस्पताल लैजाँदै गर्दा मृत्यु भएको हो । बाँकी घाइते ३ को पोखरा स्थित मणिपाल शिक्षण अस्पतालमा उपचार भैरहेको छ ।
दुर्घटना बारे थप अनुसन्धान भैरहेको प्रहरीले जनाएको छ ।
