काठमाडौँ, आइतबार काल मार्क्सको २०१ औं जन्मस्मृतिको अवसरमा राजधानीमा आयोजित कार्यक्रममा बोल्दै सत्तारुढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले आफू फेरि जङ्गल जान पनि पछि नपर्ने बताएका छन् ।
राजधानीमा काल मार्क्सको २०१ औं जन्मस्मृतिको अवसरमा ‘ समृद्धि र समाजवाद : हामी कहाँ छौं ‘ शीर्षकमा एक कार्यक्रम आयोजना गरिएको थियो । उक्त कार्यक्रममा बोल्दै प्रचण्डले आएको खण्डमा आफू जङ्गल जान पनि पछि नपर्ने बताएका हुन् ।
उनले भने, ‘ म के ठान्छु भने सम्पूर्ण चिज त्याग गरेर फेरि एकपटक जंगलमा जानु परे जान सक्छु । यो कुरा मलाई पटक्कै गाह्रो लाग्दैन । कतिपय कसरी सकिन्छ भन्छन् । तर, तपाईंहरुको साथ चाहिन्छ म जान सक्छु । ‘
उनले थपे, ‘ तपाईंहरुले साथ नदिए एक्लै जोगी भएर त जान्न । तपाईंहरु साथमा हुनुभयो भने हेर्नुहोला म अर्को एउटा ‘क्लाइमेक्स’मा पार्टीलाई आन्दोलनमा लगेर मात्र माथि जाने विचारमा छु । ‘
