काठमाडौँ, तौलिहवा जितपुर सडकखण्डको निग्लिहवाकोटमा मोटरसाइकल दुर्घटनामा हुँदा दुई जनाको ज्यान गएको छ । जहदीबाट तौलिहवा आउँदै गर्दा लु ९ प ४६६४ नम्बरको मोटरसाइकल गए राती करिब १० बजे दुर्घटना भएको हो ।
दुर्घटनामा परि मृत्यु हुनेमा मायादेवी गाउँपालिका–७ का ४५ वर्षीय सर्वजीत यादव र कपिलवस्तु नगरपालिका– ६ का शेषराम यादव रहेका छन् ।
प्रहरी नायब उपरीक्षक देवेन्द्र पाण्डेका अनुसार मोटरसाइकलमा सवार दुवैको घटनास्थलमै मृत्यु भएको हो ।मोटरसाइकललाई कुनै सवारी साधनले ठक्कर दिएको हुन सक्ने प्रहरीले अनुमान लगाएका छन् ।
