काठमाडौँ, सिरहामा मोटरसाइकल दुर्घटना हुँदा मोटरसाइकल चालकको मृत्यु भएको छ । पूर्वपश्चिम राजमार्ग अन्तर्गत पर्ने सिरहाको कर्जन्हा नगरपालिकास्थित बस्तीपुरमा गए राती मोटरसाइकल, ट्याक्टरमा गई ठोकिँदा यो दुर्घटना भएको हो ।
बस्तीपुर र मन्हरवाको बीचमा ओभरटेक गर्ने क्रममा स१त ३७७७ नंको ट्याक्टरमा टोक्किँदा मोटरसाइकल चालकको मृत्यु भएको इलाका प्रहरी कार्यालय मिर्चैयाले जनाएको छ । मृत्यु हुने सिरहाको कर्जन्हा नगरपालिका–४ बस्तीपुर निवासी २७ वर्षीय रमेश साह रहेका छन् ।
दुर्घटनामा मोटरसाइकलको पछाडी रहेका कर्जन्हा नगरपलिका–१० निवासी १७ वर्षीय मो इरफान शेख घाइते भएका छन् । घाइतेको मिर्चैयास्थित मङ्गलम अस्पतालमा उपचार भइरहेको छ । ( रासस )
