काठमाडौँ, बर्दियामा मोटरसाइकल दुर्घटनामा एक प्रहरी जवानको मृत्यु भएको छ ।
बर्दियाको गुलरिया नगरपालिका वडा नम्बर १ खैरापुर घर भएका ३२ वर्षीय प्रहरी जवान अवधेशकुमार यादवको रोकिराखेको ट्याक्टरको ट्रलीमा मोटरसाइकल ठोक्किँदा मृत्यु भएको हो ।
मंगलबार राति ११ बजे यादवले चलाएको भे ८ प ७८९ नम्वरको मोटरसाइकल गुलरिया नगरपालिका–३ निमकोठियामा रोकिराखेको टयाक्टरको ट्रलीमा ठोक्किएको हो ।
दुर्घटनामा गम्भीर घाइते भएका उनको उपचारको क्रममा नेपालगञ्ज नर्सिङ्ग होममा राती १२ बजे मृत्यु भएको प्रहरीले जनाएको छ ।
प्रहरी जवान यादव काठमाडौंको रानीपोखरीमा दरवन्दी भै महानगरीय प्रहरी बिट कालिमाटीमा कार्यरत थिए । उनि भाईको विवाहको लागी छुट्टीमा घर आएका थिए ।
