काठमाडौँ, विदेशमा काम गर्न गएका नेपालीको कामकै क्रममा मृत्यु भएका समाचारहरु प्राय आइरहेका हुन्छन् । नेपालबाट अनेकौँ सपना र ऋणको भारी बोकेर आकाशमा उडी गएका नेपाली बाकसमा बन्द भएर फर्कन्छन् ।
आज फेरी मलेसियाबाट त्यस्तै एक खबर आएको छ । परदेशमा कमको शिलशिलामा गएका नेपालीको मृत्युको खबर आएको हो । केहि बेर अघि मात्र मलेसियाको क्वालालम्पुर अन्तर्राष्ट्रिय एरपोर्टमा कामदार बोक्ने बस दुर्घटनामा परेको खबर आएको थियो ।
केहि समय अघि मात्र २ नेपालीको मृत्युको खबर आएको थियो बहने हाल मृत्यु हुने नेपालीको संख्या ५ पुगेको बुझिएको छ । परराष्ट्र मन्त्रालयले बसमा १३/१४ जना नेपाली कामदार चढेको बुझिए पनि थप जानकारी आउन बाँकी रहेको बताएको छ।
परराष्ट्र प्रवक्ता भरत पौडेल भन्छन्, ‘ दूतावासका कर्मचारी दुर्घटना भएको ठाउँमा जानुभएको छ। कति जनाको मृत्यु भयो भन्ने एकिन विवरण आउन बाँकी छ । ‘
दुर्घटनामा परी मलेसियाका बस ड्राइभरसहित ३ इन्डोनेसियन र २ बंगालदेशी कामदारको पनि ज्यान गएको छ ।
