काठमाडौँ, जुम्लामा गाई चराउन गएका आमा छोराको भिरबाट खसेर मृत्यु भएको छ । मृत्यु हुनेमा जुम्लाको तातोपानी गाउँपालिका, ७ की ३२ वर्षीय लक्ष्मी रावत र उनका एक वर्षीय छोरा सुभाष रावत रहेका छन् ।
बुधबार गाई चराउन जाँदा भिरबाट लडेर उनीहरुको मृत्यु भएको प्रहरीले जनाएको छ । छोरालाई बोकेर गाई चराउन गएका बेला लड्दा दुवैको मृत्यु भएको हुन सक्ने प्रहरी निरीक्षक प्रकाश केसीले बताएका छन् ।
प्रहरीले शवलाई पोष्टमार्टमका लागि कर्णाली स्वास्थ्य विज्ञान प्रतिष्ठान शिक्षण अस्पताल लगिएको जनाएको छ ।
