काठमाडौँ, पूर्वपश्चिम राजमार्ग अन्तर्गत सिरहाको मिर्चैयामा बसले ठक्कर दिँदा एक साइकल यात्रीको मृत्यु भएको छ ।
डब्लू बी २९ बी ६१७४ नम्बरको भारतीय तिर्थयात्री बोकेको बसले पूर्वबाट पश्चिमतर्फ जाँदै गर्दा मिर्चैया नगरपालिका ६ बतहा खोल नजिकै दुई वटा साईकललाई ठक्कर दिँदा सुखिपुर नगरपालिका ७ का ३५ बर्षीय साइकलयात्री रामलखन साहको घटनास्थलमै मृत्यु भएको छ ।
साथै अर्का साईकलयात्री मिर्चैया ४ का ३० वर्षीय भद्रकाली महासेठ गम्भीर घाइते भएकाले उनको उपचार विराटनगरमा भैरहेको ईलाका प्रहरी कार्यालय मिर्चैयाले जनाएको छ ।
