काठमाडौँ, हिजो रौतहटको गौर– चन्द्रनिगाहपुर सडकखण्डमा सोमबार दिउँसो भएको दुर्घटनामा एक जनाको मृत्यु भएको छ । वृन्दावन नगरपालिका ६ हर्साह नजिकै ना ४ ख ६१११ नम्बरको बसले गौरबाट चन्द्रपुर तर्फ आउँदै गरेको ना ४६ प ९६ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको हो ।
मृत्यु हुने सर्लाहीका किसन साह रहेका प्रहरीले जनाएको छ । दुर्घटनामा परि मोटरसाइकलमा पछाडी बसेर सवार आरती साह गम्भीर घाइते भएकी छन् ।
प्रहरीले बसलाई नियन्त्रणमा लिईसकेको भए पनि चालक भने फरार छन् ।
