काठमाडौँ, ताप्लेजुङ्ग पाथिभरा दर्शन गरि फर्किएका तिर्थयात्री चढेको गाडी दुर्घटना भएको छ । दुर्घटनामा परि ११ जना घाइते भएका छन् भने घाइते मध्य ५ जनाको अस्वथा निकै गम्भीर रहेको जिल्ला प्रहरी कार्यालय ताप्लेजुङ्गले बताएको छ ।
यो खबर अन्नपूर्ण पोस्टमा छ । गम्भीर घाइते ५४ वर्षीय मोतिमाया अधिकारी, ४२ वर्षीय एकनाथ सिग्देल, ८ वर्षीय निशान आचार्य, ४२ वर्षीय उद्धवप्रसाद सिग्देल र ३८ वर्षीय लक्ष्मी सिग्देल रहेका छन् । जिल्ला अस्पताल ताप्लेजुङमा उपचार हुन नसकेपछि यिनीहरुलाई अन्यत्रै रिफर गरिएको छ ।
मंगलबार राति ९:५० मे १ ज १४८६ नम्बरको ट्याक्सी सुकेटार विमानस्थल छेउमा दुर्घटना भएको थियो । दुर्घटनामा परि घाइते हुनेहरु सबै बारा निजगढका हुन् ।
