काठमाडौँ, नेपाल टेलिकमले चाडबाडको अवसरमा विभिन्न आकर्षक अफरहरु ल्याई नै रहन्छ । त्यस्तै नयाँ वर्ष २०७६ लाई लक्षित गरेर नेपाल टेलिकमले निकै आकर्ष अफर ल्याएको छ ।
नयाँ वर्ष अफर अन्तर्गत टेलिकमका ग्राहकले २ सय रुपैयाँकाे एउटा प्याक किन्दा ३ जिबी डाटा चलाउन मिल्ने सुविधा आएको छ । त्यसैगरी उक्त प्याकमा टेलिकमकै नेटवर्कभित्र २ सय मिनेटसम्मकाे भ्वाइस कल तथा २ सय वटा एसएमएस पठाउन सकिने सुविधा प्रदान गरिएको छ ।
उक्त प्याक ०७५ चैत ३० गते शनिबारदेखि एक्टिभ भएर ०७६ बैशाख २ गते सम्म खरिद गर्न मिल्नेछ । यस प्याक ५ दिनभित्रमा प्रयाेग गरिसक्नुपर्ने टेलिकमले जनाएकाे छ ।
