काठमाडौँ, गए राति नेपाली सेनाको ट्रकमा मोटरसाइकल ठोक्किँदा एकको मृत्यु भएको छ । पूर्वपश्चिम राजमार्ग अन्तर्गत सिरहाको मिर्चैया नगरपालिकास्थित मल्हनियाँचोकमा रोकिराखेको नेपाली सेनाको ट्रकमा मोटरसाइकल ठोक्किँदा दुर्घटना भएको हो ।
रोकीराखेको चोहर्वास्थित नेपाली सेना गणको बा१ग २४६२ नंको ट्रकमा पछाडीबाट स ६ प ८०१३ नं. को मोटरसाइकल ठोक्किँदा मोटरसाइकल चालकको ज्यान गएको हो ।
मृत्यु हुने मोटरसाइकल चालक मिर्चैया नगरपालिका–५ निवासी सागरकुमार जयसवाल रहेका छन् । उनको घटनास्थलमै मृत्यु भएको हो । इलाका प्रहरी कार्यालय मिर्चैयाक अनुसार बिर्गिएको कारण ट्रक मल्हनियाँचोकमा रोकेर राखिएको थियो ।
