काठमाडौँ, काठमाडौँ चक्रपथ सडकको स्वयम्बु स्थिति सडकको पुल मुनि अन्दाजी ३०–३५ वर्षीय एक युवकको शव फेला परेको छ ।
प्लास्टिक संकलन गर्ने एक सडक बालकलले फोहोरको डङ्गुरमा फोहोरले छोपिएको अवस्थामा शव देखेपछि हल्लाखल्ला मचिएको थियो । हल्लाखल्ला शुरु भए लगत्तै उक्त स्थानमा पुगेका प्रहरीले शवलाई घेरा हाली अनुसन्धान शुरु गरेको छ ।
प्रहरीका अनुसार युवकको घाटी तथा कम्मरमा धारिलो हतियार प्रहार गरिएको, पेट क्षतविक्षत हुनेगरी काटिएको भएता पनि अनुहार प्रष्ट देखिने अवस्थामा रहेको छ ।
