काठमाडौँ, धरानमा बस दुर्घटना हुँदा ४ को मृत्यु भएको छ भने २० जना भन्दा ज्यादा घाइते भएका छन् । धनकुटाबाट धरान तर्फ आउँदै गरेको बस धरानको जिरो प्वाइन्टमा पल्टिएको हो ।
ट्राफिक प्रहरी कार्यालय इटहरीका अनुसार ना ६ ख २७१३ नम्बरको बस पल्टिएदा ४ जनाको मृत्यु भएको हो । धरानका लागि छुटेको बस तीव्र गतिका कारण सडकमा पल्टिएर दुर्घटना भएको धरानका डिएसपी सुमन तिमिल्सिनाले जनाएका छन् ।
घाइतेहरुलाई उपचारको लागी बीपी प्रतिष्ठान धरान लगिएको छ । बस पल्टँदा च्यापिएर ज्यान गएको ट्राफिक प्रहरीले जनाएको छ । घटनाबारे थप विवरण भने आउन बाँकी रहेको छ ।
