काठमाडौँ, काठमाडौँबाट नारायणगढ जाँदै गरेको ट्रक त्रिशुली नदीमा खस्दा १ को मृत्यु भएको छ भने ४ गम्भीर घाइते भएका छन् ।
ना ६ ख १४३ नम्बरको उक्त ट्रक नारायणगढ–मुग्लिन सडकखण्डको कालीखोला नजिक दुई नम्बर पुलको ठाडो खोलामा खसेको हो । जिल्ला प्रहरी कार्यालयका अनुसार आज बिहान ७ बजे इच्छाकामना–५ स्थित २ नं पुलबाट त्रिशुलीमा ट्रक खस्दा ट्रकले किचेर एक जनाको मृत्यु भएको हो ।
मृतकको परिचय भने अझै सम्म खुल्न सकेको छैन । घाइते मध्य दुईको पुरानोे मेडिकल कलेजमा उपचार भइरहेको छ भने बाँकी दुईलाई उपचारको लागी भरतपुर पठाइएको प्रहरीले बताएको छ ।
ट्रक पुलबाट करिब ७० किलोमिटर तल खसेको बुझिएको छ । घटना बारे आनुसन्धान भैरहेको तर दुर्घटनाको कारण हाल सम्म नखुलेको प्रहरीले जनाएको छ ।
