काठमाडौँ, भीमदत्त राजमार्ग अन्तर्गत डडेल्धुराको गन्यपाधुरा गाउँपालिका–१ को साहुखर्क नजिकै बुधबार बिहान पौने ५ बजेतिर बस दुर्घटना भएको छ ।
दुर्घटनामा परि ६ जनाको मृत्यु भएको छ भने २६ जना घाइते भएका छन् । कर्णाली रिभर यातायातको ना ६ ख १८३१ नं को बस धनगढीबाट बझाङका लागि छुटेको थियो ।
प्रहरी निरीक्षक लक्ष्मण खड्काले बस दुर्घटना हुँदा ६ जनाको घटनास्थलमै मृत्यु भएको पुष्टि गरेका छन् । सडकबाट १०० मिटर तल खस्दा भएको बस दुर्घटनामा परि घाइते भएकाहरुलाई डडेल्धुरा अस्पताल डडेल्धुरा ल्याइएको छ ।
