काठमाडौँ, आज शुक्रबार बिहानै भोजपुरमा एक ट्रकले मोटरसाइकललाई ठक्कर दिँदा २ जना गम्भीर घाइते भएका छन् । बिहान करिब ९ बजे भोजपुरबाट धरान तर्फ जाँदै गरेको ना ६ ख ४४८४ नम्वरको तिब्र गतिमा आइरहेको ट्रकले विपरित दिशाबाट आउँदै गरेको को ३१ प ४५४५ नम्बरको मोटरसाईकललाई ठक्कर दिएको हो ।
जपुरको अरुण गाउँपालिका–६ जरायोटारमा भएको दुर्घटनामा घाइते हुनेहरु धनकुटा हिलेका ४५ वर्षीय गणेश पाण्डे र धनकुटा मुगाका ३५ वर्षीय मनकुमार तामाङ रहेका छन् ।
घाइते दुवै उक्त मोटरसाइकलमा सवार थिए । घाइते दुवैको अवस्था चिन्ताजनक रहेको जिल्ला प्रहरी कार्यालय भोजपुरले जनाएको छ । ट्रक चालक भोजपुरको टेम्केमैयुङ्ग गाउँपालिका–३ का मदन राई रहेका छन् । प्रहरीले ट्रक र ट्रक चालकलाई नियन्त्रणमा लिएर घटना बारे थप अनुसन्धान गरिरहेको बताएको छ ।
घाइतेहरुलाई उपचारको लागी धरान लगिएको छ ।
