काठमाडौँ, नुवाकोटको पासाङल्हामु मार्गअन्तर्गत काठमाडौँ–त्रिशूली सडक खण्डको विदुर नगरपालिका वडा नं. २ बट्टार भीमसेनमार्गस्थित सडकमा बिहान टिपरले मोटरसाइकललाई ठक्कर दिँदा एक युवकको ज्यान गएको छ भने अर्का एक युवक घाइते भएका छन् ।
जिल्ला प्रहरी कार्यालय नुवाकोटको अनुसार बा ५ ख २८९८ नम्बरको टिपरले विपरित दिशावाट आइरहेको ना ३३ प ३४६३ नम्बरको मोटरसाइकललाई ठक्कर दिएको हो । दुर्घटना पश्चात आक्रोशित भीडले टिपरमा आगजनी गरेका छन् ।
टिपरले किच्दा मोटरसाइकल चालकको घटनास्थलमै मृत्यु भएको जिल्ला प्रहरी प्रमुख तथा प्रहरी उपरीक्षक कृष्णबहादुर पल्लिमगरले जानकारी दिएका छन् । उनका अनुसार मोटरसाइकमा पछाडी सवार घाइते भएका छन् ।
मृत्यु भएका विदुर नपा–२ बट्टारका २५ वर्षीय दिवाकर खनाल रहेका छन् भने घाइते भएका खनालका साथी २४ बर्षीय मुन्ना गुप्ता रहेका छन् । आक्रोशित जना समुदायले टिपर चालकको लापरवाहीले दुर्घटना भएको जनाउँदै टिपरमा आगजनी गरिदिएका छन् र टिप्पर चाकल भने फरार भएका छन् ।
आगजनीमा टिप्पर ध्वस्त भएको छ ।
