काठमाडौँ, पाल्पामा जन्ती बोकेको जिप दुर्घटना हुँदा जिपमा सवार पाँच जनाको ज्यान गएको छ । जिल्ला ट्राफिक प्रहरी कार्यालय पाल्पाका प्रमुख डम्मर गिरीका अनुसार जिल्लाको निस्दी गाउँपालिका वडा नं. ७ चारघरे ज्यामिरेमा उक्त दुर्घटना घटेको हो ।
पाँच जना यात्रु सवार लु १ ज १९४१ नं. को जिप दुर्घटना हुँदा पाँचै जनाको घटनास्थलमै मृत्यु भएको उनले बताएका छन् । मृत्यु हुनेहरुको पहिचान भैनसकेको बुझिएको छ ।
उनले भने, ‘ घटना थाहा पाएलगत्तै हामी घटनास्थलतर्फ जाँदैछौं, घटनास्थल टाढा भएकोले त्यहाँ पुग्न अझै केही समय लाग्छ । ‘ उनका अनुसार घटनास्थल पाल्पा सदरमुकाम तानसेनदेखि ५५ किलोमिटर टाढा दक्षिणपूर्व रहेको छ ।
