काठमाडौँ, सल्यानमा चार दिन देखि बेपत्ता रहेका शिक्षक मृत फेला परेका छन् । मृत शिक्षक शारदा नगरपालिका १४ तुषारे घर भई लक्ष्मी आधारभुत विद्यालय पानीखोलामा पढाउँदै आएका दिल बहादुर गिरी रहेका छन् ।
परिवार र आफन्तजनले उनी घरबाटै बेपत्ता भएको भन्दै प्रहरीमा उजुरी गरि खोजी भैरहेको थियो । बिहान घर नजिकैको भिरमा उनको शव फेला परेको हो ।
शव देखेपछि स्थानियले प्रहरीलाई खबर गरेका थिए । जिल्ला प्रहरी कार्यालय सल्यानका प्रमुख डियसपी बीरेन्द्रबहादुर शाहीका अनुसार घटनाको विषयमा थप अनुसन्धान भइरहेको छ ।
