काठमाडौँ, २०७५ सालको एसईई परिक्षा आज चैत्र १० गते बाट शुरु भैसकेको छ । परिक्षामा राजनीतिज्ञ देखि लोएर कलाकार, प्रहरीको बहालवाला असई, सेनाका हुद्दासम्मले सहभागिता जनाएका छन् । यति मात्र नभएर चितवनको रत्ननगर नगरपालिकाका क्रिया पुत्री दरेश पौडेलले पनि एसईई परिक्षामा भाग लिएका छन् ।
केहि दिन अघि मात्र बावुको मृत्यु भएका पौडेलले लमजुङको बेंसीसहर बजारस्थित जनविकास मावि केन्द्रबाट परिक्षा दिँदै छन् । उनले श्रीराम बैद्धिक संस्कृत मंगलम गुरुकुलमा अध्ययन गरेका हुन् । आज परिक्षाको पहिलो दिन उनले अनिवार्य संस्कृति भाषाको परीक्षा दिएका छन् ।
केन्द्राध्यक्ष रत्नमान श्रेष्ठका अनुसार स्कूलको कम्प्युटर कोठामा छुट्टै बेन्च राखेर उनलाई परीक्षा दिने व्यवस्था मिलाइएको छ ।
