काठमाडौँ, नवलपुरको कावासोतीमा दुई ट्रक एक-आपसमा ठोकिँदा एकको ज्यान गएको छ भने दुई गम्भीर घाइते भएका छन् । पुर्व-पश्चिम राजमार्ग अन्तर्गत पर्ने कावासोतीको खरकट्टा जंगलमा आइतबार बिहान करिब दुई बजे ना ७ ख १०९९ र ना ६ ख ११९४ नम्बरको ट्रक ठोकिएको हो ।
उक्त घटनामा दाङ घर भएका अनराम राखलको घटनास्थलमै मृत्यु भएको छ भने दाङकै सुदिप राई र विनोद लामा गम्भीर घाइते भएका छन् । घाइते भएकाहरुलाई उपचारको लागी चितवनको भरतपुर लगिएको छ र शवलाई पोस्टमार्टमको लागी दुम्कौली स्वास्थ्य केन्द्र देवचुली पठाईएको छ ।
