काठमाडौँ, काठमाडौँको कागेश्वरी मनोहरा नगरपालिका–६ मुलपानीमा सुन चाँदी पसलको सटर फोड्दै गर्दा ७ जनालाई पक्राउ गरिएको छ ।
मंगलबार राती पसलको सटरको ताल्चा फोड्दै गरेको अवस्थामा हाल काठमाडौँ कागेश्वरी मनोहरामा सिरक डसना बनाई बस्ने भारत मोतीहारी घोडा सहनी घर भएका १९ बर्षीय लड्डु कुमार सहित ७ जनालाई प्रहरीले पक्राउ रहेको हो ।
उनीहरुको साथबाट महानगरीय प्रहरी विट मुलपानीबाट खटिएको प्रहरी टोलीले सुन जस्तो देखिने पहेँलो धातु अन्दजी २२ लाल, चाँदी जस्तो देखिने सेतो धातु २ केजी, सटर काट्न प्रयोग गर्ने सलाई रेन्चु २ थान तथा करिब १ लाख ४९ हजार रुपैयाँ बराबरको चोरी गरेको धनमाल बरामद गरेको छ ।
प्रहरीका अनुसार पक्राउ परेकाहरुलाई थप अनुसन्धान एवम् कारवाहीको लागि महानगरीय प्रहरी वृत्त बौद्ध लगिएको छ ।
