काठमाडौँ, चितवनको खैरहनीमा आफ्नै छोरी बलात्कार गरेको आरोप लागेका एक फरार व्यक्तिलाई चितवन प्रहरीले नुवाकोटबाट पक्राउ गरेको छ ।
उनलाई नुवाकोटमा आफन्तको घरबाट पक्राउ गरि ल्याएर अनुसन्धान शुरु गरिएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक दुर्गाराज रेग्मीले बताएका छन् ।
आफ्नै १५ वर्षीया छोरीलाई पटकपटक करणी गरेको आरोप लगाउँदै उनकै छोरीले केही दिनअघि इलाका प्रहरी कार्यालय खैरहनीमा जाहेरी दर्ता गराएकी थिइन् ।
