काठमाडौँ, प्रतिबन्धित पार्टी विप्लबका विद्यार्थी नेता चिरञ्जीवी ढकाल पक्राउ परेका छन् ।
महानगरीय प्रहरी परिसर काठमाडौंका अनुसार ढकाललाई प्रहरीले अनामनगरबाट पक्राउ गरेको हो ।
ढकाल विप्लब विद्यार्थी संगठन अखिल क्रान्तिकारीका केन्द्रीय अध्यक्ष हुन् ।
प्रहरीले ढकाललाई अनामनगरमा प्रतिपक्ष दलहरूका ११ विद्यार्थी संगठनले आयोजना गरेको पत्रकार सम्मेलनमा सहभागी भएका बेलामा पक्राउ गरेको हो ।
